رجل منحووووس

موضوع: رجل منحووووس الإثنين أغسطس 10, 2009 3:13 am

مواطن قاعد على القهوه دخل واحد قليل الزوق وطفس شرب كوباية السحلب اللي قدامه المواطن عيط قام الراجل الطفس قله بتعيط ليه متزعلش مني أنا أسف أنا مبحبش أشوف راجل بيعيط بعيد عنك بتأثر جامد
ولو كان على كوباية السحلب اللي شربتها من قدامك أنا حجبلك كوباية تانيه رد عليه المواطن وقله أنا مش بعيط غير على بختي الأسود رد عليه الراجل الطفس وقله مالك فضفضلي أنا زي أخوك :

رد المواطن وقله أناقدمت على وظيفه في شركه أمبارح والحمد لله أتقبلت المهم رحت الشركه متأخر أنهارده في أول يوم ليا في الشغل صاحب الشركه شفني وأنا جي متأخر وطردني
رد الراجل الطفس وقله بسيطه شوف شغل تاني

رد المواطن وقله مش دي المشكله أنا مشكلتي أن لما طلعت من الشركه وجيت أركب عربيتي اللي كنت ركنها جنب الشركه لقيتها أنسرقت
رد الراجل الطفس وقله بسيطه بلغ البوليس وأنشاء الله حيمسكو الحرامي اللي سرقها وحيجبوهالك

رد المواطن وقله مش دي المشكله أنا مشكلتي أني خدت تاكسي عشان أروح البيت بتاعي ونسيت المحفظه في التاكسي
رد الراجل الطفس وقله بسيطه خدت الشر وراحت والسواق لو أمين حيرجعهالك ولو بعد عشر سنين مسير الحي يتلاقى

رد المواطن وقله مش دي المشكله أنا مشكلتي أني لما رجعت البيت لقيت مراتي بتخوني مع صاحبي
رد الراجل الطفس وقله بسيطه طلقها وأتجوز ست ستها

رد عليه المواطن وقله مش دي المشكله أنا مشكلتي أن أنا جيت القهوه دي ومزاجي وحش وعشان كده طلبت أشرب سحلب وكنت ناوي أنتحر جيت حطيت لنفسي سم في كوباية السحلب ولسه جي أشربها وأنته جيت سبقتني وشربتها ومسيرك حتموت كمان شويه وأنا حتقدم للمحاكمه وحتشنق هههههههههههههه بجد هههههههههههه

ياساتر على النحس أيه ده ربنا يتولاك ياعم هههههههههههههههه يارب يكون التوبيك عجبكم يا أجمل أعضاء تقبلو مني أرق التحيات : أهلاوي كوول